Mjólkurbúið...

dvergaletur og risaleti

í dag fór ég í stærðfræðipróf. var gefinn sá kostur sem ég hef ekki kynnst áður að hafa með sér formúlublað. þetta má s.s. vera 1 A4 blað sem einungis má skrifa framan á. ég sá fyrir mér að maður páraði þarna nokkrar almennar formúlur sem maður hefði mér sér...þangað til ég kom að strákunum að rita microdvergaskrift á blað...mátti ég auðvitað ekki vera minni kona og tók að gera mitt eigið dvergskriftarblað...árangurinn má sjá hér að ofan...þetta tók heilan dag!!
kom það að einhverju gagni, var samt að klúðra nokkrum dæmum. en maður þarf bara að ná prófinu og þá gilda einungis verkefnin sem við skiluðum...undarlegt fyrirkomulag...

strákarnir með mér í náminu eru annars algjörir lærdómsnaglar. ég er vonlaus að byrja að læra sama dag og ég var í prófi. naglarnir mættu hins vegar vopnaðir bókum í skólann og höfðust handa strax að hinu prófinu loknu. ég fór hins vegar heim og lagði mig í 5 tíma, var svo að koma úr sturtu og svona núna. er síðan að fara að hitta hagfræðikrakkana á eftir...fékk líflátshótanir frá lerta latínó ef ég svo mikið sem myndaði þá hugsun að mæta ekki...lertinn líklega enn hyper (hyper, hyper) eftir new york maraþonið, en eftir það öðlaðist hann indíananafnið "blæðandi geirvarta". áhugamenn um maraþon og new york, eða lerta og jó-l, geta litið á geðsýkina hérna (jó-l var þarna for moral support og almennan spassaskap). þarna er reyndar ekki að finna myndir af lertanum með blæðandi geirvörtuna, en set link inn ef ég finn hann, enda algjört möst sí!

yfir ógéðis kjúklingaborgaranum sem ég fór með strákunum að fá mér í vikunni hélt einn þeirra því fram að franskar kartöflur rotnuðu inn í manni og meltust ekki. get alveg skilið að franskarnar séu tormeltar, en varla verða þær bara þarna eftir. hvað með ef þú borðar 1 kíló af frönskum á dag, þyngist þú þá um 30 kíló á einum mánuði?
er samt mjög skeptísk á svona djúpsteikt fitudót, enda gallblöðrulaus manneskja. finnst samt nett eins og kjúklingaborgarinn sé bara að rotna þarna inni núna, og það er ekki lekkert tilfinning!!!

posted by il onore @ 19:14 1 comments

OMG ÉG KANN EKKI NEITT

sæl arndís (og þú hinn lesandinn sem slysaðist hingað inn). ég er ekki dáinn, bara búin að vera löt, en núna er ég í prófum svo það fer allt að gerast(eða u know, allt annað en að læra).

meira að segja farin að blogga á single, er þar undir hinu mikla dulnefni x-pre. rosalega skemmtileg síðasta færslan mín sem segir meðal annars frá hægðum samnemenda minna, eins gott að þeir séu ekki að lesa! annars sit ég að frjósa við gluggann upp í skóla (var að koma af kjúkklinga/salmóbúllu dauðans og er að kafna úr djúpsteikingarsvækju), ekki búin að læra staf síðan klukkan sex, klukkan núna rúmlega 8. ætli ég reyni ekki að drattast til að gera eitthvað áður en ég fer heim.

annars á ég í mínum árlegu vandræðum með jólagjafalistann minn. það er allt svo dýrt sem mig langar í að ég get ekki sett það á listann. rúna rokk fór hins vegar og keypti fyrstu jólagjöfina handa mér um helgina. fór mjög leynt með það (not, hringdi í mig úr búðinni til þess að fá staðfestingu á hvað ég vildi). nema hvað þetta voru 2 kertastjakar sem hún náði síðan að brjóta báða áður en hún kom heim???...kennir konunni í búðinni um að hafa pakkað þeim illa inn og skellt þeim saman. var ekki sátt og fór síðan og skilaði þeim og fékk endurgreitt. því búið að kaupa og skila fyrstu jólagjöfinni minni og ekki kominn desember...

posted by il onore @ 20:00 4 comments