Mjólkurbúið...

lobsterfestival og fullnægingarkökur

ég vil byrja á því að þakka þeim pjötlum er komu í afmælið mitt kærlega fyrir veglegar og fallegar gjafir, sem og þeim er hringdu og sendu kveðjur, svo ég tali nú ekki um öll símskeytin!!
mojito-inn à la helga og lindi var göðveikur, lobsterinn heppnaðist held ég bara ágætlega og KÖKUNNI HENNAR STÍNU verður best lýst með því að hún framkallaði einu þögn kvöldsins er gestir sátu orðlausir og létu súkkulaðifullnægingarhrollinn leika um líkamann. stína, farið hefur verið fram á uppskriftaropinberun á vefnum!
síðan tók við stíf drykkja hjá flestum, enda metnaðarfullir drykkjumenn á ferð. e-a hluta vegna urðu ég og miss drunky drunkerson, a.k.a. lindi blindi, einar eftir heima án þess að átta okkur á því að leigubíll væri að bíða okkar fyrir utan og vorum sallarólegar að mála okkur. komst lindinn fljótt að því að hún þekkti leigarakauðann og önduðum við léttar þar sem pyngja okkar beggja var galtóm. óóó, nema hvað, þarf lindinn ekki aðeins að létta úr malla á leiðinni, eða svo hélt hún. þurftum að svína svakalega fyrir bíl til þess að ná að stoppa á miðri leiðinni á milli kópavogs og reykjavíkur, svo að lindinn gæti komist út. nema hvað, hún var ekki alveg með á hreinu hvað var að gerast og þurfti ég að hlaupa á eftir henni þar sem hún var skyndilega farin að húkka far á leið í bæinn með mig bíðandi í leigaranum á kantinum og bíla á 100 km hraða æðandi framhjá. náði henni aftur inn í bílinn og með nokkrum stoppum fórum við að lokum út hjá hallgrímskirkju, og leigara"vinurinn" gaf ekki neinn afslátt (ég meina; what are taxi-pals for?) og þrufti ég að reiða fram miklar 3000 krónur með gúmmíkreditkorti!
lindinn tók sinn tíma að labba einn hring í kringum kirkjuna áður en við fórum í killer röð dauðans á ólíver, e-ð sem ég mun ALDREI gera aftur. byrjaði aftast í röðinni og hálftíma seinna var ég enn aftast í röðinni og heilir 2 einstaklingar farnir inn. það ásamt sífelldum dónaöskrum dyravarðanna varð til þess að ég afskrifaði þennan hnakkabar endanlega. við helgan héldum því tvær á leið á ölstofuna, stóðum í skamman tíma í mjög yfirvegaðri röð þar áður en inn var komið. fannst nú reyndar hafa runnið mikið af mér í dauðaröðinni en e-a hluta vegna hafa þessi "örfáu" hvítvínsglös sem drukkin voru á ölstofunni leitt til verulegs minnistaps! það sem ég veit skv.öruggum heimildum að gerðist er eftirfarandi: er ölstofan lokaði hélt ég með helgunni heim á leið, ætlaði að sofa á laugaveginum þar sem ég átti ekki neinn pening í leigubíl, eftir að hafa sungið fyrir ingva í símann hennar helgu skildi ég við hana á skólavörðuholtinu um 5 leytið.
hér kemur síðan það skrítna: á e-n óskiljanlegan hátt sem ég get ekki gert grein fyrir var ég næst komin í eftirpartý með e-u fólki sem verið hafði á ölstofunni á stað sem ég man ekki alveg fullkomlega eftir. ágætis fólk, en hvernig ég komst í kynni við það á leiðinni frá hallgrímskirkju niður á laugaveg átta ég mig ekki alveg á. það væsti þó ekki um mig þar og var klukkan orðin hálfníu er ég vakti pabba til þess að hleypa "óskabarninu" inn.
og hvað varð ég aftur gömul??
bara alveg á sama stað og í menntaskóla!

ok.kannski gerðist e-ð sem ég er ekki að segja frá, en það er bara fyrir mig og minn bömmer;)

af öðrum meðlimum er það helst að frétta að einn þeirra losaði sig víst við allt sitt magainnihald á mitt gólfið uppi á ólíver, LEKKERT! nefni engin nöfn í þessu samhengi;)

held að "drykkjupása" sé lausnarorð vikunnar! lindi blindi grætur allavega af gleði yfir því að hún sé að vinna næstu helgi og því úr allri djammhættu. ekki frá því að annar í þynnkustemmningu hafi svifið yfir vötnum hjá mörgum í dag.

annars hjálpuðum við lindinn spaní að flytja í sveitabæinn sinn í dag. fyrst þurfti reyndar að koma góssinu af holstrup, rúmið endaði með því að vera ferjað með 30 metra háum krana yfir þakið á húsinu og látið síga niður hinum megin, enga meðalmennsku hér! mæli kannski ekkert sérstaklega með því að fólk haldi út á landsbyggðina í fyrsta skipti í myrkri, enda öðlaðist svarta myrkur nýja merkingu. hvet samt sem áður alla til að kíkja á spaní í dalsgarði, þetta er sveitastemmari beint í æð!

posted by il onore @ 03:33